தென் கிழக்கு ஆசியாவில் பிரபலமான காய்கறிகளில் வெள்ளைப் பூசணி (Ash Gourd) ஒன்று. சாம்பல் நிறம் கொண்ட இவை தடியங்காய் என்றும் அழைக்கப்படுகிறது.
வெள்ளை பூசணி வியக்கவைக்கும் ஆரோக்கிய நன்மைகள் மற்றும் ஊட்டச்சத்துக்களை கொண்டுள்ளது.
பெனினிசா ஹிபிதா என்பது வெள்ளைப் பூசணியின் அறிவியல் பெயராகும்.
தோற்றம்:
வெள்ளை பூசணி ஒரு பெரிய நீள்வட்ட வடிவத்தை உடையது. இதன் வெளிப்புறத் தோற்றத்தில் வெள்ளை நிறமுடைய மெழுகு பொருள் உள்ளது.
இதற்கிடையில், அதன் உள்புறத்தில் வெள்ளரி போன்று வெள்ளை நிறத்தில் மிருதுவான சதைப் பகுதி உள்ளது.
பல ஆசிய நாடுகளில், வெள்ளை பூசணி சமைத்த பிறகே உண்ணப்படுகிறது.
இதன் விதைகள் முதிர்ச்சியடையும் போது சாம்பல் நிறத்தில் மெழுகு போன்ற ஒரு பொருள் உருவாவதால் இதற்கு சாம்பல் பூசணி என்ற பெயரும் உண்டு.
ஊட்டச்சத்து உண்மைகள்:
FDA-ன் படி, 100 கிராம் வெள்ளைப் பூசணியில், பின்வரும் ஊட்டச்சத்துக்கள் உள்ளன (1).
- தண்ணீர் – 96.1 கிராம்
- கலோரி – 13 kcal
- கார்போஹைட்ரேட் – 3.57 கிராம்
- கொழுப்பு – 8.37 கிராம்
- புரதம் – 2.44 கிராம்
- சாம்பல் சத்து – 0.3 கிராம்
- நார்ச்சத்து – 2.9 கிராம்
- கால்சியம் (Ca) – 19 மிகி
- இரும்புச்சத்து (Fe) – 0.4 மிகி
- மெக்னீசியம் (Mg) – 10 மிகி
- பாஸ்பரஸ் (P) – 19 மிகி
- பொட்டாசியம் (K) – 6 மிகி
- சோடியம் (Na) – 111 மிகி
- துத்தநாகம் (Zn) – 0.61 மிகி
- தாமிரம் (Cu) – 0.023 மிகி
- மாங்கனீசு (Mn) – 0.058 மிகி
- செலினியம் (Se) – 0.2 மைக்ரோகிராம்
- வைட்டமின் சி – 13 மிகி
- வைட்டமின் B6 – 0.035 மிகி
- தியாமின் – 0.04 மிகி
- ரிபோஃப்ளேவின் – 0.11 மிகி
- ஃபோலேட் – 5 மைக்ரோகிராம்
- நியாசின் – 0.4 மிகி
இப்போது, வெள்ளைப் பூசணி உண்பதால் கிடைக்கும் 7 ஆரோக்கிய நன்மைகள் பற்றி பார்க்கலாம்.
வெள்ளைப் பூசணி உண்பதால் கிடைக்கும் ஆரோக்கிய நன்மைகள்:
வெள்ளைப் பூசணியானது மன அழுத்தம், புண்கள் மற்றும் ஒவ்வாமை ஆகியவற்றை எதிர்க்கும் பண்புகளை கொண்டுள்ளது. எனவே, இது நமது உடலுக்கு நலத்திற்கு ஏற்ற காய்கறியாகும்.
1. மஞ்சள் காமாலை நோயை குணப்படுத்த உதவுகிறது:
வெள்ளைப் பூசணி இலைகளில் குக்குர்பிடாசின் (Cucurbitacin) என்ற வேதிப்பொருள் உள்ளது. இது நம் உடலின் கல்லீரல் செயல்பாட்டில் உதவுகிறது.
மேலும், வெள்ளைப் பூசணியானது ஆன்டி-ஆக்சிடன்ட் பண்புகளையும், அதிக அளவில் வைட்டமின் சி-யும் கொண்டுள்ளது (2). இவை அனைத்தும் மஞ்சள் காமாலை நோயை குணப்படுத்த உதவுகின்றன.
எனவே, மஞ்சள் காமாலை நோயால் பாதிக்கப்பட்டவர்கள் வெள்ளைப் பூசணியை உண்டு வருவது மிகவும் நல்லது.
2. அழற்சி எதிர்ப்பு குணத்தை கொண்டுள்ளது
வெள்ளை பூசணி அழற்சி எதிர்ப்பு பண்புகளை கொண்டுள்ளது என்று பல ஆய்வுகள் கண்டறிந்துள்ளன.
ஒரு ஆய்வில் (3), வெள்ளைப் பூசணிக்காயின் சாறுகள் இரத்த குழாய்களில் ஏற்படும் வீக்கத்தைக் குறைக்க உதவும் என தெரிய வந்துள்ளது.
3. செரிமானத்தை மேம்படுத்தும்
வெள்ளைப் பூசணிக்காயில் அதிக அளவில் நார்ச்சத்து மற்றும் நீர்ச்சத்துக்கள் உள்ளன. மேலும், வெள்ளை பூசணியானது வயிற்றில் உள்ள அமிலத்தன்மையை நடுநிலையாக்கி pH அளவை சீராக்குகிறது.
இவை செரிமானத்தை மேம்படுத்தி மலச்சிக்கல் ஏற்படாமல் தடுக்க உதவுகின்றன.
மேலும், வெள்ளைப் பூசணி உடல் எடையைக் குறைக்க உதவுகிறது என ஆராய்ச்சிகள் கண்டறிந்துள்ளன (4).
வேறு என்ன, அதில் உள்ள நார்ச்சத்துக்கள் வயிற்றை பசியின்றி நீண்ட நேரம் முழுமையாக வைத்திருக்க உதவுகின்றன.
இது மட்டுமின்றி, வெள்ளைப் பூசணியில் குறைந்த அளவே கார்போஹைட்ரேட் உள்ளதால் டயட்டில் இருப்பவர்களும் இதை உணவில் சேர்த்துக் கொள்ளலாம்.
4. வயிற்றுப்புண்களை ஆற்ற உதவுகிறது
வெள்ளைப் பூசணியில் பிளேவனாய்டுகள் போன்ற ஆன்டி-ஆக்சிடன்ட்கள் மிக அதிகமாக உள்ளன (5). இவை வயிற்றுப்புண்களை ஆற்றும் திறன் கொண்டவை.
மேலும், எலிகளின் மீது நடத்தப்பட்ட ஆய்வில் வெள்ளைப்பூசணி சாறு வயிற்றுப் புண்களைக் குணப்படுத்த உதவும் என தெரியவந்துள்ளது (6).
எனவே, வெள்ளைப் பூசணிக்காயைத் தொடர்ந்து உண்டு வருவது வயிற்றுப்புண்களை விரைவாக குணப்படுத்த உதவும் (7).
5. டைப்-2 நீரிழிவு நோயை கட்டுப்படுத்த உதவுகிறது
வெள்ளைப் பூசணியின் சாறு ரத்தத்தில் சர்க்கரையின் அளவை குறைக்க உதவுகிறது (8). எனவே இது டைப் 2 நீரிழிவு நோயை தடுப்பதில் பயனளிக்கிறது.
ஆராய்ச்சியின் படி (9), வெள்ளைப் பூசணியானது குறைந்த அளவு கலோரி மற்றும் அதிக அளவு புரோட்டீன் நார்ச்சத்துக்களை கொண்டுள்ளது.
இவை அனைத்தும் டைப் 2 நீரிழிவு நோயைக் கட்டுப்படுத்த உதவுகின்றன.
6. புற்றுநோயை எதிர்க்கும் பண்புகள் கொண்டது
வெள்ளைப் பூசணியானது கட்டிகள் வளர்வதை தடுத்து நிறுத்தும் ஆன்டி-ஆஞ்சியோஜெனிக் (Anti-angiogenic) பண்புகளைக் கொண்டுள்ளது (10).
மேலும், வெள்ளைப் பூசணி சாறு புற்றுநோய் செல்கள் உருவாவதை தடுக்க உதவும் என ஆராய்ச்சிகள் கண்டுபிடித்துள்ளன.
எனவே, உங்கள் வழக்கமான உணவில் வெள்ளை பூசணி சேர்த்துக்கொள்வது புற்றுநோயை எதிர்த்து போராட உதவும்.
7. உடலில் உள்ள நச்சுத் தன்மையை அகற்ற உதவுகிறது
வெள்ளைப் பூசணிச் சாறு சிறுநீரைப் பிரிக்கும் (Diuretic) பண்பைப் பெற்றுள்ளது.
மேலும் வெள்ளைப் பூசணியில் உள்ள அதிக அளவு நீர்ச்சத்து சிறுநீர் உற்பத்தியை அதிகரிக்க உதவும் என ஆராய்ச்சிகள் காட்டுகின்றன.
எனவே, சிறுநீர் மூலம் தேவையற்ற கழிவுகளை வெளியேற்றுவதால் உடல் நச்சுத்தன்மையை அகற்ற வெள்ளைப் பூசணி உதவுகிறது (11).
எனவே, வெள்ளைப் பூசணி ஒரு மிகச்சிறந்த காய்கறி என நாம் தெரிந்து கொண்டோம். அது நமது உடலை ஆரோக்கியமாக பராமரிக்க எண்ணற்ற ஆரோக்கிய பலன்களை அளிக்கிறது.